Орхон аймгийн 2022 оны 10 сарын агаарын чанарын тойм мэдээ

                       Орхон аймгийн агаарын чанарын төлөв байдал

2022 оны  10 дугаар сар

Орхон аймгийн Хотын төв, гэр хороолол орчимд агаар бохирдуулах бодис болох хүхэрлэг хий (SO₂), азотын давхар исэл (NO₂), PM10 тоосонцрыг тодорхойлох агаарын чанарын хяналт шинжилгээний 2 харуул ажилладаг.

Орхон аймгийн агаар дахь бохирдуулах бодисын агууламжыг сүүлийн 5 жилээр харуулав.

Зураг 1. Хүхрийн давхар ислийн сарын дундаж агууламж, 2018-2022 он

10 дугаар сарын хяналт шинжилгээний дүнгээр хүхэрлэг хийн дундаж агууламж 9мкг/м³ хүрч агаарын чанарын MNS4585:2007 стандарт дахь хүлцэх агууламжаас хэтрээгүй байна.  Өмнөх оны мөн үетэй харьцуулахад 62.5%-иар өссөн байна. Тухайн сарын хамгийн их агууламж гэр хороолол орчим 37мкг/м³ хүрсэн байна.

Зураг 2. Азотын давхар ислийн сарын дундаж агууламж, 2018-2022 он

Азотын давхар ислийн хяналт шинжилгээний дүнгээр дундаж агууламж 58мкг/м³ хүрч Агаарын чанарын MNS4585:2007 стандарт дахь хүлцэх агууламжаас  хэтрээгүй байна.  Хамгийн их агууламж хотын төв орчим 246мкг/м³ буюу ХА-аас 1.2 дахин давсан байна. Өмнөх оны мөн үетэй харьцуулахад 8.6%-иар өссөн байна.

Зураг 3. РМ2.5 тоосонцрын агууламж, 2022 он

Агаарын чанарын индексээр хүйтний саруудад буюу 1,2,3 сарын байдлаар Цэвэр түвшинд 20%, хэвийн 34,4%, бага бохирдолтой 31,2%, бохирдолтой 10%, их бохирдлын түвшинд 4,4% тус тус хүрсэн байна. 4-р сараас эхлэн агаарын чанар харьцангуй сайжирч цэвэр болон хэвийн түвшинд байна. 5 сард 3,2% нь хэвийн түвшинд бусад үед Цэвэр түвшинд байна. 6, 7, 8, саруудад агаарын чанар Цэвэр түвшинд байлаа. 9 сарын агаарын чанарын индексээр 97% нь Цэвэр, 3% нь хэвийн түвшинд байсан байна. 10 сарын агаарын чанарын индексээр 71.4% нь Цэвэр, 25% нь Хэвийн, 3.6% нь бага бохирдолтой түвшинд байна. Хүйтний улирал эхэлж байгаатай холбоотойгоор цаашид бохирдлын түвшин нэмэгдэх хандлагатай байна.                        

                                         Зураг 4. РМ2.5 тоосонцрын агууламж

ОРХОН АЙМГИЙН БАЙГАЛЬ ОРЧНЫ ЛАБОРАТОРИ